Tuesday, July 24, 2012
.....ကြက်သွန်ဖြူအကြောင်း.......
ကြက်သွန်ဖြူကို
အီဂျစ်တို့က အင်အားတိုးပွားစေဖို့ ၊
ဂရိ တို့က ၀မ်းနှုတ်ဆေးအဖြစ် ၊
... ဥရောပမှာကျတော့ ပလိပ်ရောဂါဆိုးကြီးကျရောက်ချိန်
ကိုယ်ခံစွမ်းအားမြင့်တက်စေဖို့ ၊
တရုတ်တွေကျပြန်တော့ သွေးပေါင်ကျဆင်းစေဖို့ ၊
ဒုတိယကမ္ဘာစစ်ကြီးအတွင်းကဆို ရှေ့တန်းဒဏ်ရာရ
ရဲဘော်တွေအတွက် ပဋိဇီဝဆေးအဖြစ် သုံးစွဲတယ်လို့ဆိုပါတယ်။
တိုင်းရင်းဆေးပညာရှင်များကျပြန်တော့ အအေးမိ ၊ နှာစေး ၊ ချောင်းဆိုး ၊ တုပ်ကွေးဖျားနာနဲ့ အခြား
သောကူးစက်ရောဂါတွေအတွက်ကြိုတင်ကာကွယ်မှုကိုကြက်သွန်ဖြူကပေးနိုင်တယ်လို့ ယုံကြည်ကြပါတယ်။
လေအောင့်လေနာ ၊ သန်ထိုးရောဂါတွေအတွက်လည်း ကြက်သွန်ဖြူကိုဆေးစွမ်းကောင်းတစ်လက်အဖြစ်
သုံးစွဲကြပြန်ပါသေးတယ်တဲ့ခင်ဗျ ။
နောက်ထပ်ကြက်သွန်ဖြူကို သုံးစွဲကြပုံလေးတွေလည်းရှိပါသေးတယ်ခင်ဗျာ။
(၁) အဆီကျ အသားကျစ်စေဖို့
ကြက်သွန်ဖြူ ဥတစ်လုံးကိုနှစ်ချို့ပျားရည်နဲ့စိမ်ပြီးတစ်နေ့တစ်လုံးမှန်မှန်
စားပေးရမယ်ဆိုပါတယ်ခင်ဗျ ။
(၂) ဝမ်းမီးကောင်းစေဖို့
ထမင်းစားပြီး မိနစ်၂၀လောက်အကြာမှာ ကြက်သွန်ဖြူ ဥတစ်လုံးကိုကြိတ်ပြီ ရေနွေးထဲ
ထည့်သောက်ရမယ်ဆိုပဲဗျ ။
(၃) သွေးတိုးကျစေဖို့
ထမင်းစားပြီး ၁၀ မိနစ်အကြာ ဥတစ်လုံး၃လုံး ဒါမှမဟုတ် အမြွှာကြီး ၅တက်လောက်ကို
အစိမ်းလိုက် ညက်အောင်ဝါးပြီး ရေအေးအေးနဲ့သောက်ပေးနိုင်တယ်လို့ဆိုပါတယ်။
(၄) အဆစ်အမြစ်ကိုက်ခဲပါက
ကြက်သွန်ဖြုကို ရှောက် ၊ သံပုရာ အချဉ်တစ်မျိုးမျိုးနဲ့စိမ်ပြီးစားပေးရမယ်ဆိုပါတယ် ။
(၅) အိပ်ပျော်စားဝင်ဖို့
ကြက်သွန်ဖြူ ဥတစ်လုံးကို သွားကြားထိုးတံလေးနဲ့အပေါက်လေးတွေဖောက်ပြီး ပျားရည်မှာစိမ်
နူးရင်တစ်နေ့တစ်လုံးမှန်မှန်စားပေးရုံနဲ့ အိပ်ပျော်စားဝင်တယ်ဆိုပဲ ။
(၆) အားအင်ပြည့်ဖြိုးစေဖို့
ဥတစ်လုံး ၅လုံးလောက်ကို နူးအောင်ပြုတ် ညအိပ်ရာမ၀င်ခင် နွားနို့နဲ့ စားသောက်ပေးမယ်ဆို
ရင် တကယ်အစွမ်းထက်တဲ့ ဆေးတစ်ပါးပါတဲ့ခင်ဗျ ။
(၇) ဝဲစို ၊ ဝဲခြောက်ဖြစ်ရင်
ကြက်သွန်ဖြူကို အုန်းဆီနဲ့ကြိတ်ပြီး လိမ်းပေးနိုင်တယ်လို့ဆိုပါတယ် ။
(၈) အရွယ်မတိုင်ခင် ဆံပင်တွေဖြူနေပြီလား
ကြက်သွန်ဖြူကို မီးအုံးပြီးနှမ်းဆီစစ်စစ်နဲ့ နေ့တိုင်းစားပေးမယ်ဆိုရင် အရွယ်မတိုင်ခင်
ဖြူလာတဲ့ဆံပင်တွေ ပြန်နက်လာဖို့အားကိုးရတယ် ဆိုပဲဗျနော။
(၉) နားကိုက်ပြည်ယိုရင်
ကြက်သွန်ဖြူ ၊ နှမ်းဆီ ၊ လေးညှင်း ဆတူရောစပ် ကြိုချက်လို့ရလာတဲ့ဆေးဆီတစ်နေ့နှစ်ကြိမ်
အစက်ချပေးလို့ရပါတယ်တဲ့ ။ နောက်တစ်နည်းကမုန်ညင်းဆီကို ကြေးဇွန်းမှာထည့်
ကြက်သွန်ဖြူ တစ်လုံး အကွင်းလိုက်လှီးထည့်ပြီး ဇွန်းကို အပူပေး ကြက်သွန်ဖြူမီးကျွမ်းရင်
အဲဒီဆီနဲ့ နားကျပ်ပေးလို့ရပါတယ်တဲ့ ။ ဒီခေတ် ကြေးဇွန်းကတော့ ဘယ်ကရမလဲဗျာ နော ။
(၁၀)ဗိုက်နာရင်
စမုန်နက် ၊ ရှိန်းခို ၊ လင်းနေ ၊ ကြောင်ပန်းရွက် ၊ ကြက်သွန်ဖြူ ဆတူယူ အမှုန့်ကြိတ်
ငရုတ်ကောင်းစေ့အရွယ်ယူပြီး တစ်ကြိမ် ၂လုံး ၃လုံးလောက် စားပေးနိုင်တယ်လို့ဆိုပါတယ် ။
(၁၂)ကိုယ်လက်ညောင်းညာကိုက်ခဲရင်
ဇာတိပ္ဖိုလ် ၊ နှမ်းဆီ ၊ ကြက်သွန်ဖြူ ဆတူရောစပ်ကြိုချက်ပြီးရလာတဲ့ဆေးအဆီကိုနာကျင်
ကိုက်ခဲတဲ့နေရာတစ်နေ့ နှစ်ကြိမ်လိမ်းပေးနိုင်တယ်လို့ဆိုပါတယ်ခင်ဗျ ။
ကြက်သွန်ဖြူ ဥတစ်လုံးနဲ့ ရိုးရိုးကြက်သွန်ဖြူကွာခြားချက်ကတော့.........
ရိုးရိုးကြက်သွန်ဖြူရဲ့ ဂုဏ်နဲ့ စွမ်းရည်
ဆီးကိုရွှင်စေ၏ ။ ဝ ဖြိုးစေ၏ ။ ကာမကိုအားပေး၏ ။ခွန်အားကိုဖြစ်စေ၏ ။
မျက်စိကိုအကျိုးပြု၏ ။ အသက်ကိုရှည်စေ၏ ။သွေးသည်းခြေကိုတိုးပွားစေ၏ ။ လေသလိပ်ကိုနိုင်၏ ။
နှလုံးရောဂါ၊ နာတာရှည်အဖျား ၊ ၀မ်းအောင့်ခြင်း ၊ ချုပ်ခြင်း ၊လေတဂူ ၊ နှုတ်မမြိန်ခြင်း ၊ ချောင်းဆိုး
ခြင်း၊ ရောင်တင်းခြင်း၊ မြင်းသရိုက်၊ နူနာ ၊ ဝမ်းမီးနူး ပိုးရောဂါ ၊ လေရောဂါ စသည်တို့ကိုနိုင်၏။
ဥတစ်လုံးကြက်သွန်ဖြူရဲ့ ဂုဏ်နဲ့စွမ်းရည်
ကာမအားကိုပေး၏။ ထောပတ်နှင့်ဖျော်၍ ပျားရည်နှင့်စားသော် ကာမအားကိုအလွန်အားပေး၏။
သေးငယ်သော အစိတ်အပိုင်းကိုနားတွင်ထားသော် နားကိုက်ပျောက်ကင်း၏။ မြွေ စသော အဆိပ်အမျိုး
မျိုးတို့ကိုကာကွယ်ရန်လည်းအသုံးပြု၏။
ကျွန်တော်ဖတ်မိသလောက် ပြန်မျှပါတယ်ခင်ဗျာ။
သူငယ်ချင်းတို့ ကိုယ်ရော စိတ်ပါ ကျန်းမာချမ်းသာကြပါစေ။
sAiHsUe ရဲ့ပို့စ်လေးပါ
မျှဝေလိုက်ပါတယ်ဗျာ
Subscribe to:
Post Comments (Atom)
No comments:
Post a Comment